Transcription
1
Monsieur, jeusse bien desiré estre arrivé de melheure heure au
2
Thouvet pour avoyr heu ce bien que de vous y veoir et suys
3
parti incontinant que jay sceu votre arrivée à La terrace
4
d’Avallon pour venir en ce lieu affin d’avoir moyen destre
5
plus près de vous pour vous faire service et ouffrir
6
tout ce qui est à mon povoir comme au seigneur de ce monde
7
à qui je me desdie d’hobeyr en ce quil vous plairra
8
me comander ; et vous mercie très humblement lhonneur
9
quil vous a pleu nous faire destre venu sceans, vous suppliant
10
ne perde la volunté de y retourner quant il vous plairra
11
et je metray peyne de vous y recepvoyr et faire la
12
melheure chère quil me sera possible pour le moins sera
13
de bon cueur. Jay prié le sieur Du Vant vous aller trouver
14
de ma part pour mexcuser de ce que demain je
15
ne vous pourray aller faire la reverance à cause du mauvays
16
temps ; et si je seroys si heureux que de vous avoyr
17
sceans au jour quil vous plairra luy dire, je vous
18
montrerés comme jay aprins à jouer à la pillie qui saulte
19
pour vous y tenir compaignie. Et si vous faictes long sejour
20
à La Terrace, je me yray parquer à notre maison pour
21
huict ou dix jours pour avoyr ce bien que de vous veoir
22
plus souvant et estre au près de vous, comme celluy qui
23
desire vous demeurer très humble et obeyssant serviteur et en
24
bien bonne grace, à laquelle très humblement me recomande, priant Dieu
25
vous donner,
26
monsieur, en santé très bonne vye et longue. Du Thouvet, ce XIIe 7bre 1571.
27
Votre très humble et très obeyssant serviteur
28
De montenard